بيقولولك : يللا كلها مرّة وحدة يللي رح تعيشها طنّش و لا تحمّلها و عميل يللي نفسك في !! 

طب أنا رح قلكن : بلكي عشنا أكتر من مرّة؟ و بلكي كان في 2 Season لحياتنا؟ يعني ماشي بكل الأديان في مصطلح اسمو جنّة و نار و حساب و أنا ما عم قول لاء بس بلكي كان في مراحل يعني متل ماريو لحتى توصل للقصر أو تحترق بالبركان؟

و في حال أنا طلع مسلسل حياتي بايخ و قرّروا ما يمددولي العقد و عشت مرّة وحدة؟!! يعني اذا بدي أعمل يللي بالي بترك الدراسة و الشغل و بروح بعمل Road Trip حول العالم و, و ....و السؤال الأهم الذي يطرح نفسه ليش ما حدا بيعمل هيك؟!!ليش العالم بتضل عايشة متل ما بدهن أهلهم أو المجتمع أو رفقاتهن و مستعدين يعملوا كل شي ما بحبو أو مالهن مقتنعين في بس منشان كلمة " اي هيك الدنيا ماشية" يعني يا بني ادمين مو هاد قراركن؟؟ و مو ع أساس نحنا منحط ال Rules !!؟ و يستمر غباء البشريّة أو بالأحرى غبائي لأني عم حاول أفهم!!!